★ Rebec ★

內藏山 2012.10.29

係井邑住咗一晚之後我地第二日早上出發去內藏山啦~!! 今日天氣真係正到爆~!! 之前話我地間Motel路口對面馬路就有171巴士站~ 本來預算7點半出發~ 但拖拖拉拉又等買早餐又等車最終坐8點果班車~ 雖然車程大慨半個鐘但因為架車上山路又癲波又勁多人又多老人家所以我地企得非常辛苦... 望望下我見到尾排坐咗前一晚係炸雞店果班香港人... 落車之後我梗係去相認完之後再八下~ 原來井邑火車站對出果個站巴士都會停~ (之前有資料話個站疑似cancel咗, 我地前一晚行過又的確見佢個站牌都無埋) 佢地係早一個站上車個個都有位坐...

問完之後返轉頭望唔見咗佢地... 嚇死我... 望黎望去搵搵吓原來佢地去咗便利店~ 巴士站落客都有好多餐館/便利店的~

唔知方向唔緊要~ 沿途跟住人行就得啦~~ 一開始就見到顆紅樹啦~~


行前少少有個市集仔~ 果度都有個公廁的~


一筒筒既柿餅乾糧~


剩係開始上山呢段路已經殺咗我地好多張相啦~~


雖然我地話行快啲前面入風景區會重靚呀~ 但都係忍唔住不斷影影影~~




終於黎到收費亭啦~~


隔離有個旅遊中心~


一張飛打晒4個人... 所以我影底佢就算啦~!!




好靚呀~~


過呢條橋仔之後有免費巴士站(不成文規定係比老人家坐既..)


不過唔緊要啦~~ 坐巴士就影唔到靚紅葉呀~