[全州.遊] 全州韓屋村 @ ★ Rebec ★

28 Oct 2012 全州韓屋村

我同阿珠媽去試抽免費觀光巴士去全州~ 最終係我抽到(1人可抽兩個位)~
好彩另外我地都搶到KTX 7折車票~ 所以當日我同大蝦就坐免費觀光巴士~
阿珠媽&樂仔就坐KTX~ 我地去到全州再集合~!!

早上8點光化門站免費觀光巴士去全州~ (車程3個鐘) 差不多7:45觀光社職員會黎同大家點名就可以上車~

途中會停休息站大慨15分鐘比人去廁所~ 大蝦太攰無落車繼續訓~ 我就落車影幾張相&同職員講我地會留係全州唔跟車返去~ (免費巴士係來回的) 免得下午職員點唔齊人開唔到車~!

休閒站勁多旅遊車~ 大家都係去各區睇紅葉呀~!!

11點鐘終於到啦~~ 巴士係停車場停好之後我地就問左旅遊中心既方向就去同阿珠媽樂仔集合啦~
停車場一出就見到呢個全州石牌~ 好多人影緊諗住等咗阿珠媽先返轉頭睇~ 點知最終係無去到呢邊呢~

去到旅遊中心阿珠媽佢地未到就過對面去廁所先啦~~

去完廁所阿珠媽佢地都到啦~~ 跟住就開始行啦~~ 全州比我想像中更旅遊區~ (我以為好古色古香既鄉郊呢)
而當日係星期日好多韓國人去旅遊反而無咩外地遊客~

阿珠媽話見到有警馬~~ 有動物即刻要去睇~~ 耶~~