★ Rebec ★

DAY 1: 首爾站KTX換火車飛 > 景福宮 > 安國年糕鍋 > 弘大綿羊Cafe > 自由市場 > 梨大將軍小腸(已結業) > 新村4500韓燒

因為韓國天氣都幾乾燥~ 之後日日都要食烤肉,炸雞等... 真係要不斷飲果汁,蜜糖水補返吓!


去到梨大先去食炒大腸先!


去到時候差不多下午4點鬆見到店主剛開門. 咁我就去便利店買完蜜糖水先再入去.


我地叫咗個鹽烤小腸. 有好多配菜, 前菜, 生菜, 醬料.




好好味好有咬口!!!


店主好好人(一睇個樣就知道係老實人 ) 佢英文唔係好得. 問我地係邊度黎. 我地話香港佢都好奇怪點解會搵到黎. 佢重送左支汽水比我地. 又叫我地多多幫佢宣傳哈!


食完之後我地周圍逛, 去梨大門口影影相又逛去新村果邊. 行到差不多延世大學果邊見到好多櫻花呀. 沿住大路行意外邊行邊欣賞夜櫻!




櫻花樹下既露天cafe真係唔錯!




呢個景好有日本街道既feel~


逛逛吓諗住去食4500韓燒居然係新村大街上撞到大蝦同佢個fd~! 真係搞笑! 原來佢地o岩o岩去食完~




我地叫咗兩款肉同埋個蒸蛋!


個蒸蛋好正~ HKD10蚊咋~ 但要快啲食, 唔係耐左啲蛋過熟硬咗就無咁好口感!


真係幾抵~ 用餐途中都見有幾pair香港人黎食~ 我諗呢間野遲啲會變咗香港遊客既飯堂

=========================================================================

梨大將軍小腸(已結業)
呢間非常易去. 梨大5號出口轉左直行唔洗5分鐘, 條路係一條小暗斜路.
佢應該係下午開始營業到凌晨果種. 當日我都係試吓去搵. 下午去到大慨4點幾老闆剛開店.




menu就貼係牆上, 第一行 양념구이 係辣炒, 第2行 소금구이 係鹽烤. 볶음밥 係炒飯. 공기밥 係白飯.
我地兩人點咗鹽烤小腸. 9000won係每位計. 老闆送咗支汽水. 賣單就比咗18000won


係網上搵到辣炒係咁樣樣既.

4500won韓燒
其實佢好多分店. 但最方便都係新村呢間. 聽大蝦講之前佢朋友試過上晝去未開門. 所以都係夜晚去穩陣啲.
新村2號出口直行10分鐘. 經過咗starbucks之後下個街口轉左就係.


我地點咗右上角4500won & 左上角5500won既肉. 味道都唔錯~!!