★ Rebec ★

DAY 1: 首爾站KTX換火車飛 > 景福宮 > 安國年糕鍋 > Thanks Nature Cafe (綿羊Cafe) > 自由市場 > 梨大將軍小腸 > 新村4500韓燒

繼續更新~去到弘大首先去搵綿羊先~ 間cafe店主真係養咗兩隻綿羊o家!! 我係出發前睇我結利特&素拉約會去呢間cafe, 佢地重帶兩隻綿羊仔出街散步, 我睇到條街點解咁熟面口, 見到有影到個大廈名即刻上Daum地毯式搜索! 終於比我搵到呢間cafe~!!
間cafe叫 Thanks Nature Cafe 原來就係弘益大學對住果條大街上, 上年11月時我去弘大都有經過的, 但佢係地底一層所以無留意的話真係行過都唔知!!






呢位就係店主綿羊既主人啦! 羊仔見到主人成日要'痴'住佢!




佢地啲毛真係好軟呀!!! 又成日係度 "咩~ 咩~" 叫好可愛!!!!!!


綿羊既屋仔上面重有我結拍攝當日利特&素拉既留言喔!


耶! 睇完綿羊都要幫趁埋cafe喔~ 店主要係市區養兩隻綿羊真係唔容易呢! 唔好睇完就走~ 預時間坐底飲杯野啦~ 而且間cafe佈置得好舒服同埋有好多綿羊裝飾真係好可愛! 坐係度飲野真係唔覺自己係市區!!
佢有室外室內兩邊, 綿羊仔當然係室外果邊. 因為中午都幾熱我地揀咗室內坐.








休息完之後就去Free Market啦~!




周圍逛但無買到野~ 行行吓見到我最愛既雞蛋糕!! 蛋糕甜甜地食到隻蛋就有啲喊喊地好好味!




弘大9號出口有幾檔街檔, 細心留意其實好多檔車頂都有圖寫住炒年糕,魚串等幾錢. 下次大家想食的話先睇睇個檔口有無價錢牌然後再問問咁就唔怕亂開價啦!


跟住去梨大, 係地鐵見到好多bigbang廣告

===================================================================

綿羊cafe - Thanks Nature Cafe 11am - 11pm
弘大站9號出口 > innisfree轉右 > tonymoly 轉左 > 向弘益大學方向行到cafe Cantata落樓梯




po多張截錄我結既圖~ 就係呢個shot搵咗我好耐終於搵到係呢度!!!