弘大鐵筒烤肉
呢間係間地道既鐵筒烤肉店~ 自己係弘大閒逛時見到門面都唔錯~ 之後同阿珠媽樂仔去弘大食飯時就提議去呢間試下~
去到有位坐底但menu貼係牆又言語不通咁點算呀!! 唔緊要~ 好彩佢有張圖睇既~!!
佢既配菜有薯仔呀~ 烤薯仔好好味~!!
我地點咗3款先~ NO 3 三層肉, NO 7 牛小排 重有一樣好似係... NO 1 豬排骨
我地3人既口味各有不同呀~! 我覺得三層肉最好味~ 樂仔就中意牛小排~ 阿珠媽就中意豬排骨~
食到咁上下店員會送上一鍋泡菜豆腐湯~ 係免費o家~!! 個湯幾好飲不過勁辣~!!
放埋上去一齊燒呀~!!!
食食下阿珠媽話隔壁台果個韓國男仔咁白正~ 我話睇真啲... 佢好似搽粉喎... 重搽到同條頸兩截色..
我地後尾再encord多次牛小排~ 食到差不多樂仔攞本旅遊書出黎睇下之後去果間pub係邊~ 老闆見到我地本書就指住唔知講咩~ 我地聽唔明~ 講咗幾次+body language 大概明佢話佢間店無係我地本正x社出現~ 因為佢地要店主比錢先肯報導佢間舖~ 因為言語不通我亦都唔知佢真係講緊呢間出版社定係有其他旅遊書咁做~ 不過既然無旅遊書介紹就等我地黎啦~!! 好店係要介紹比大家丫嘛~!!
弘大8號出口上到地面轉右~ 行到出去回旋處會見到4900韓燒~ 轉左行到街尾既轉角位果間就係啦~!
文章標籤
全站熱搜
留言列表