★ Rebec ★

新村立食韓燒

呢間韓燒真係好正!! 我前後去咗兩次~ 第一次帶樂仔去~ 第二次同阿珠媽去~ 我地食完個個都話正!!!
睇資料話呢間韓牛每日12點開門賣到下午7點到賣完就收舖~ 所以大家要食就要睇o岩時間啦~!!!
去到間店入去話比阿姐聽你幾多位~ 佢就帶你去鐵筒(每個鐵筒有號碼mark數的)~

鐵筒旁邊都會有架比你放袋/外套~ 中間牆壁有交剪比你自己剪牛肉~




成間店只有一款價錢就係韓牛 1份150g 14000won (汽水1000won支)


150g既份量


你企埋位之後就會有店員捧住一大碟牛黎問你要幾多份~ 通常我地會每人一份先~ 但我兩次都係食完再encord多一份~ 即係total 2人食咗3份 42000won~ 每人圍返港幣都係150蚊~ 就食到咁好味既韓牛真係好抵呀!!!!


阿珠媽開始會黎幫你剪&燒的~ 後面搞得掂就自己黎啦~ 好玩嘛~!! 除咗韓牛好味之外我覺得另一重點係佢個汁~!!!! 勁多蒜頭+蔥~!!




齊齊一齊企住燒呀~!! 呀~ 我同阿珠媽去食果次~ 見到後面果台既阿姐佢地自備白飯&泡菜開黎一齊食~!(我好想知佢個叮叮飯係邊度叮咗先攞過黎) 真係好強呀!!!


好~ 講講點去啦~!!! 新村站7號出口一出就已經係條大馬路~ 先過對面馬路然後轉右直行~ 會行過C&U & Coffee bene~ 然後行到呢間餐廳會見到前面路口有間藍色鐵皮屋~ 係呢個路口轉斜路上去就係啦~!!