★ Rebec ★

DAY 7: 慶熙大學 > 明洞樂天DutyFree > RIMINI [lunch] > N首爾塔 > 明洞 柳家炒辣雞

明洞樂天Duty Free買護膚品現場報導

我係DutyFree果層影咗啲花絮比大家~ 等大家可以知道大慨有咩品牌~ 但我無深入每個品牌都細睇~ 因為大家睇相就可以感受到現場有幾混亂...

出發前阿珠媽話好多地鋪既連鎖店都搬咗上去duty free~ 而且重比門市平好多~
所以今次無都咩點係街鋪買~ 重點上去duty free睇咗先~ 買唔到先落返去地鋪買~ 無記錯的話化妝品係9/F~
因為上年我買咗好多野都未用晒~ 所以今次都唔係買太多~ 我地重點睇咗想買既牌子人太多擠黎擠去... 又要問價又要計數... 真係頭都暈...
所以話女人shopping少啲精力都唔掂!!!

我只影到innisfree 同埋the seam少少product 比大家一個概念價格大慨係點~ 因為實在太多人counter又迫啲貨又密無可能睇得晒啦~
我無銀聯卡~ 我用白金VISA卡好多牌子都有85折~ 雪花秀就得9折~
所有貨品標價係用USD~ 但簽卡時會有USD & HKD揀~ 就算職員無問你你都一定要講 "用美金價比錢"
因為如果用港幣的話佢會佢個超差既匯率黎幫你將美元對返港幣勁唔抵~

以下幾張相大家都睇到基本上諗到既店都有counter~ 因為counter唔大所以貨品都唔一定齊~ 貨品既價格(起碼我地買既都係)真係比門市平好多~ 尤其最多就係pack裝or買3支又再平d之類... 當然因為呢度既價已經係平~ 所以唔好記望會有好多好多sample之類~ (大家自己諗諗到底要平定係要sample啦)

PS1: 大家放心成個場既職員絕大部份都識講國語的~ 重會認真介紹每樣貨品既功效~

PS2: UGB 都有counter呀~!! 但我無買開呢個牌子唔知有咩產品&咩價~ 只知道呢個牌子平時係要跟團先會帶去買~








以下係innisfree~ 因為我主要買呢間所以有機會影到啲貨品~
一pack 10張既mask 門市賣960won一張~ 頂多買十送一之類~ 呢度佢一pack USD8 (大慨HKD64) 已經平過門市~ 佢重要買2pack送1pack~ or 買5pack送3pack~ 例如買2送1的話~ USD8(VISA折咗USD7) X 2 pack / 30pic = 每張都係HKD3.6
其他既我買咗個火山泥面膜 USD10 (VISA折咗USD8)
紅酒角質洗面 USD10 (VISA折咗USD8)
同大蝦夾咗一pack3支綠茶精華(再送10張mask) USD54 (VISA折咗USD45)








下面呢個係the seam~ 佢啲價錢牌真係細到呢.... 驚死比你睇到咁... 大家意思意思啦吓...
呢間我買咗左上best果個黑珍珠泡泡面膜 USD12 (VISA折咗USD10) 我唔知門市賣幾多錢~ 不過應該唔會80蚊咁平掛... 呢支野香港店賣成HKD145~ 職員話呢支買3支又再平啲呀~ 不過我覺得已經好抵又唔知用唔用得晒所以買一支算啦~!!


我放大咗右上蝸牛系列果啲~


重有一張nature republic~



其他既我買咗雪花秀既Overnight Vitalizing Treatment USD38 (VISA折咗USD34) (香港店賣HKD350)
幫朋友買咗White Ginseng Brightening Mask USD48 (VISA折咗USD43) (香港賣HKD420)
呢個counter職員唔比影相~~

所以如果大家下次可以去咗DutyFree睇吓有無o岩買先呢~!! 

之後返去明洞落咗地下街買明星商品~


呢個東方神起月曆賣17000won~ 上到南山塔見到要賣成30000won


6號出口果間cd店側門成度門咁大張既廣告~


跟住我地去咗樂天dutyfree掃貨~ 大家買到滿載而歸之後大蝦帶我地去RIMINI 食lunch~!


佢既套餐好抵呀~ 啲野又好味~








睇落已經流晒口水~~