★ Rebec ★

DAY 1: 首爾站KTX換火車飛 > 景福宮 > 安國年糕鍋 > 弘大綿羊Cafe > 自由市場 > 梨大將軍小腸 > 新村4500韓燒

凌晨1點幾既飛機餐呀~ 其實咁夜真係無咩胃口~ 好彩之前去咗travelers' lounge食咗啲野打底先!


到步啦~ 4:40am landing~ 清晨時份都係外國旅客多~ 好彩工作人員開多幾個counter比外國人所以唔洗排好耐~
5:45am順利上機場巴士~
機場 5B出口坐6011到安國站: 車資: 10,000w 比左coupon後 9,000w (coupon係同9000won上車直接比司機)




hostel 7點開工我地checkin咗先放底行李然後就出發先去首爾KTX站出咗張KR Pass & 去釜山3日既火車飛先!
果個出KR PASS既counter真係好騎呢~ 初頭以為係去"Tickets"既counter~ 去到又指我地去Information counter~ 行黎行去問咗幾次先知原來中間呢個以為係銀行既counter就係information counter (你地睇明明右邊既cibibank招牌重大過左上角既"i"字...


然後出咗張PASS先至去返Tickets既counter換火車飛...


張KR PASS係咁既~ 我買既係3日PASS~ 之後要再出飛/改飛都係用佢啦!!


出發前兩日confirm晒3日內預算會搭既班次, print出黎去到counter比職員一次過出晒先! (出咗票都可以改班次的~ 但記得之前出咗既票比返職員取消喔! 免得佔咗個吉位影響到其他人無得坐!) 呢啲都係有座位既指定席, 如果坐自由席(唔洗劃位有吉位就可以坐)的話出示張KR PASS就可以入去坐. 用法同日本既KR PASS一樣. 但我奇怪係首爾站,釜山站,機張站都好, 上車落車都完全唔見有閘口 or counter check飛... 咁佢地點知啲人係咪真係有買票呀?


出完飛之後就再去買埋KOREA PASS, 首爾站既counter要落返去機鐵既counter, 落咗2層問職員佢地話要再落... 有位姐姐帶我地落去開埋office既門叫我地入去, 入咗去有啲男職員問果女仔我地係咩事(我聽唔明不過睇反應估) 同埋個女職員答話 "xxxx korea pass xxxx"


佢叫我地係個房仔坐底叫我地填好張coupon寫要咩金額, 然後去搞咗好耐... 雖然好奇但我地又唔好意思周圍'裝'


終於搞好因為之前sis/bro講過啲卡可能有問題, 但出卡既時候係未知嘛, 位女職員英文又唔係好得, 我地唯有強調問金額ok? 交通費已經係入面?
重算回答ok之後我地都只有信佢, 上返去地鐵站即刻試吓入閘過到機扣1050 + 餘額既數就係送既金額. 所以初步交通費無問題!


跟住我同大蝦分開兩pair玩先啦! 因為我約咗我外國既表妹/阿姨食lunch!! 佢地居然都係同我同一日凌晨機到首爾! 第2日我地就要落釜山所以只有第一日可以約到!! 因為我地既行程都係出發前先確定, 所以我出發前一日先同表妹confirm時間地點, 用Daum實景地圖整咗個教學教佢去三清洞既安國年糕鍋. 表妹好順利就搵到間野. 所以話實景地圖真係好有用!!

食lunch前有時間先去景福宮睇換班先~ 講多少少~ 大家plan行程時記得善用地鐵網站呀~ 將要去既站點對點就可以話你知行邊條線邊度轉車&站數時間等資料~




我最愛既三清洞我又黎啦!!!


約咗11點門口等. 因為遲多幾個字的話就要開始排隊啦~!!


今次認真影多次個menu~ 我都係推介加"粉麵" 類似意大利粉好咬口~
講多次啦~ 如果兩個人食的話4000won果part要點兩種配料, 其他價錢既就隨你加唔加. 我表妹佢地有4個人阿珠媽就要佢地點3種配料.
重有我地有6人但間店既台都係2 or 4 咁拼埋, 所以我地6人都係要分 2 & 4 咁樣開2個鍋的.



而家睇返都好想食.........


今次人多終於食到個炒飯啦!!!! (上次得我自己一個人食真係食完個鍋都飽屎咗...)


跟住食完之後就分別各有各既行程啦!! 因為係星期六我同朋友會去弘大逛!!

========================================================================

安國站總店, 11am - 10:30pm.
安國站1號出口旁邊就係starbucks, 向右手邊行行到olive young轉右會有間女子高校, 果條直路行入去大慨行5mins一直行到family mart旁邊既行仔就係年糕鍋店.

安國年糕鍋-明洞分店 10am - 10pm
本來今次搵咗資料諗住去明洞食食完順便去換錢. 但臨時約表妹食飯所以轉返去安國站. 而家po埋明洞店既資料比大家. 大家下次可以唔洗去到安國站.
明洞6號出口直行行到明洞藝術劇場轉左. 行到ARITAUM呢間店就轉右行入條行. 搵到COCO壱番屋旁邊同Coffee Bean中間的大廈2/F 就係.
(其實乙支路入口站5,6號出口近好多o家!)