★ Rebec ★

德壽宮/石垣路

德壽宮係市廳站2號出口~ 我係10月24日行程既第2日先去德壽宮睇下~
石垣路沿路既樹開始轉黃~ 但德壽宮入面就剩係得一棵已轉紅既樹呢~


街頭有間好可愛既cafe~
係石垣路行咗一圈就轉入德壽宮~
不過好失望呀~ 入面都重係綠油油~ 數得出既有一棵黃~
&一棵紅~
努力轉緊色呀~~~

(繼續閱讀...)

Rebec 發表在 痞客邦 留言(1) 人氣()

天空公園

藍天公園(別稱: 天空公園)是世界盃公園中最受歡迎的主題公園，如其名，位於最接近天空的地方，風景迷人，最適合眺望首爾市的景色，也是將垃圾掩埋場的貧瘠之地復原成富有自然變化的空間。如果爬上總共有291個階梯的天空階梯，可以欣賞到涼爽的首爾風光和漢江。
藍天公園過去是首爾市的垃圾掩埋場，原本是栽種花生和玉米的低平地，被指定為首爾垃圾掩埋場之後掩埋過無數的垃圾，是金字塔33倍的「垃圾山」，1993年因到達掩埋限制量而關閉後，首爾市籌畫改建成生態公園。看藍天公園如何從貧瘠之地變身為綠美化的空間，其中意義深厚。
搵資料時知道天空公園前身原來係垃圾場, 之後被政府改建做生態公園比市民休憩真心覺得韓國政府為環境改善真係出咗唔少力!!
每年秋天蘆葦草,芒草盛放~ 整個天空公園都佈滿一遍遍既草田~ 而每年10月中會舉行芒草節~
今次我去既時候11月2日芒草節已經結束~ 但都有唔少市民/學生去公園睇芒草~
世界杯體育場站(619) 1號出口一出就會見到右手邊有間Home Plus~
出發前我用實景地圖睇過似係要行體育場南門果邊既天橋過去~ 但同我既台灣朋友傾開佢話地面都過到去的~ 咁我就1號出之後沿住體育場行去南門~ 點知行到大馬路先知中伏... 因為左右兩邊既斑馬線都幾遠下...
所以走既時候我直接行上去體育場天橋~ 去到南門會有條樓梯落去Home Plus既2樓商場入口~
由室內2樓(好多護膚品店都幾多野行的^^) 行返去超市門口一出就係地鐵1號出口~
所以即係出咗地鐵站可以轉入Home Plus 唔洗入超市~ 轉左邊行到尾會有電梯上2樓再直行到尾就有出口~ 上半層樓梯就係體育場南門過對面馬路果個條天橋~!

(繼續閱讀...)

Rebec 發表在 痞客邦 留言(2) 人氣()

Platoon Kunsthalle ”bling night flea market“


之前有師姐介紹過Platoon Kunsthalle每個月第一個星期六晚上都會有跳蚤市場~ 而呢個建築物係由28個大型貨櫃箱組成~ o岩線我地有一晚係第一個星期六所以就去見識見識囉~
資料: Platoon Kunsthalle是德國著名文化信息公司“Platoon”進軍亞洲時修建了這棟建筑，平時用作酒吧、餐廳、展示會會場等，後來每月為年輕人組織一次夜市活動。
但係呢... 入面實在太多人啦... 剩係行已經好逼~ 何況話參觀建築物... 行咗一圈大家就話走啦~~ 我都唔好意思講其實我重想上2樓睇呢...
路線圖~
同mango six/market o 路程一樣~ 間野只係行過咗mango six 之後果個路口轉左 (紅色星星) 就見到~!!
狎鷗亭站(336) 3號出口(藍色路線) 狎鷗亭站羅德奧站(K212) 5號出口(紅色路線) 步行應該要15~20mins

(繼續閱讀...)

Rebec 發表在 痞客邦 留言(0) 人氣()

祭基洞京東市場



我返黎搵返資料其實應該係京東市場(街市)先o岩~!!
我之前睇旅遊書介紹話係藥苓市場~ 我地去到見到條街已經覺得唔對路...
成條街冷清非常... 啲店舖多數係一睇就知係賣藥材既店...
呢間無認錯的話應該係"最佳愛情"入面男二係藥苓市場見到女主角係採訪藥店果個門口~
我同阿珠媽覺得點睇都唔似會有人參賣... 試吓行遠啲睇吓隔離街見有街市就走去睇睇~
點知真係啲鮮人參舖係晒街市...
祭基洞站 2 號出號直行~ 行過藥苓市場個大牌坊唔好理佢繼續行~ 行到第2個路口係個大十字路口~
望過對面馬路會係呢個大廈~
過咗馬路轉左(已經係街市範圍) 行前少少就會見到右邊入去成條街都係人參檔!
佢地一籃籃寫晒價錢係度任你揀~ 佢地係300g 1份咁計~ 要2份就600g~ 3份就900g咁計~
咁到底佢同中部市場果啲有咩分別呢~!
中部市場我之前買就係1kg or 500g咁計既, 我上次買50000won 1kg果款~
係京東市場呢度睇返佢呢款似係12000 or 13000 果啲貨.. 計返1kg的話就即係4萬won上下~
即係京東呢度平啲啦~ 重點係京東呢度有好多檔&唔同款比你揀~
中部果邊得2,3檔同埋可以揀既價格唔多~ 所以下次我都會轉黎京東市場呢度買人參~!!
鮮人參都有分紅參,白參兩種~ 媽媽話紅參燥唔係個個都受得~ 但我地又唔識睇/問.. 所以揀人參時唯有揀啲偏白色啲既人參黎買囉~!
今次我揀咗16000won 300g呢款~ 我買2份600g~ (我唔識講用計數機按600 店主就明啦)
佢會磅比你睇幾重&幾錢的~ 16000won x 2 = 32000won (HKD228)
呢款佢支支都好粗身~!! 中部市場果啲都唔會有咁粗身既~!!
重點係~ 呢款就算我買1kg都係around 53000won 即係同我上次買細支既價差不多~!
我地睇咗幾檔覺得呢檔既人參比較o岩心水就同佢買啦~!! 我睇返Daum實景地圖~ 呢檔之後重有好幾檔的~ 大家有時間可以再睇埋先啦!
差啲唔記得講保存&帶返香港方法~
通常我會返香港前一日買~ 買果時同店主講要攞返香港既叫佢包好d(佢會用個類似係錫紙袋入住先)~ (雖然唔知佢明唔明~ 反正就要佢包多幾層保鮮紙)
然後返hostel就放雪櫃~ (之前我會早上去街市買完就返hostel放雪櫃先~ 但今次因為當日行程比較趕又唔順路~ 我地見天氣又比較涼~ 所以無即刻返hostel 攞住到晚上返hostel先再放入雪櫃~ ) (阿珠媽話齋佢地賣既都係就咁放係籃度所以應該可以keep到晚上既)
等到返香港果朝要checkout時先將包人參放係行李~ (當然會再用袋&衫包住)
雖然早上checkout就攞出黎然後夜晚先返到香港既屋企即刻放入雪櫃~ 但我試過幾次d人參都無咩事~
人地話鮮人參可以留一個月~ 但我媽媽(自己話)放冰箱可以keep好耐...
起碼上次4月我買返黎果啲到而家重未食完係冰箱但又未壞...
ok~! 希望大家去韓國都買到o岩心水既鮮人參啦~!!!!

(繼續閱讀...)

Rebec 發表在 痞客邦 留言(3) 人氣()

pack行李慳位大法!!
差啲唔記得介紹比大家~!!!!! 多謝cola & 大蝦推介叫我用抽真空袋放衫~ 真係勁慳位呀!!!
呢啲storage page其實香港既10蚊店都有得買~ 即係有時屋企收冬天衫果啲袋呢~
不過大size果啲袋要用吸塵機先可以抽真空~
用細size呢啲放咗摺好既幾件衫入去之後~ 坐上去/用膝頭'櫃'上去反正就壓走啲空氣然後拉埋個袋~
你地睇我下圖兩件壓埋一pack搞掂!!

(繼續閱讀...)

Rebec 發表在 痞客邦 留言(0) 人氣()

明洞地下街

明洞地下街唔係話裝修緊咩?? 係呀~ 裝修緊果個係明洞站既地下街~ 睇返地圖係樂天百貨果邊真係有個明洞地下街呀~ 入口係IBIS/永豐文庫or樂天Avenue/Young Plaza~ 睇地圖佢係連住幾個地鐵站呢~ 果日我同阿珠媽差啲行咗去市廳站..
呢個地下街賣衫既店唔多亦都比較地道(即係娘..) 但發現佢有好多明星精品店~ 大家有興趣可以去睇睇!!!

(繼續閱讀...)

Rebec 發表在 痞客邦 留言(0) 人氣()

會賢地下街

會賢地下街係明洞站4/5號出口直行到街尾或者中央郵局or新世界百貨就會見到地下街入口~  
呢個地下街比較出名就係有間賣mask好平既店~
係中央郵局or新世界百貨既地下街入口落去就見到~  除咗呢間之外~ 呢個地下街主打係好多手工藝既手信店~ 即係好似仁寺洞手工藝店賣果啲書籤,袋仔,匙扣之類~

(繼續閱讀...)

Rebec 發表在 痞客邦 留言(0) 人氣()

永登浦地下街

永登浦地下街係1號線永登浦站(139) (正x社既封面大地鐵圖無咗呢個站.買咗呢本書既請自行加返)(*我果本書係上年買既唔知而家更新左未)

(繼續閱讀...)

Rebec 發表在 痞客邦 留言(0) 人氣()

江南地下街

江南地下街係江南站(222/D07) 2號線出左右兩邊都係~
佢比蠶室地下街大~ 都係係D行仔轉~ 我覺得呢度啲款新啲(話晒都係江南style嘛)~ 我去過3次次次都買到野~ 今次行咗個半鐘買到1件衫& 1件5000won既外套(HKD35蚊咋!!)~ 上年係度買到平又靚既軍褸~ 不過今年啲款無睇o岩~!
比張平面圖大家睇會唔會清楚啲呢~! 上年新開咗紅色既新盆唐線之後~ 出口3,4,5,6往新盆唐線果段路都有啲商店~ 不過我覺得啲店既類型太雜無咩o岩行~
而家有興趣行地面的話~ 可以由10,11號出口上去~ 江南站其實好旺的~ 地面都有好多商店,餐廳,電影院等...

(繼續閱讀...)

Rebec 發表在 痞客邦 留言(0) 人氣()

蠶室地下街

蠶室地下街其實唔大~ 蠶室站(216)出閘後向6/7出口方向行就會見到有條樓梯落去就係地下街~
地方唔大有幾條行仔~ 我地氈式搜索行左唔洗一個鐘都買到3件衫呀~!!
教大家睇圖啦~ 圖中果個紅色韓文字就係"萬won"既意思~ 呢間店成間都係1萬&5千won既衫~ 我係度都買咗兩件~!
同場加映係地鐵站廣場重見到沖咖啡比賽~

(繼續閱讀...)

Rebec 發表在 痞客邦 留言(0) 人氣()

高速地下街

高速地下街係高速巴士客運站(339/734/923) 睇下面地圖貼住9號線既淺藍色部份~ 地下街之前重新裝修係今年5,6月先開返~ 新地下街叫GOTO Mall 分東/西兩區~
無論係3號,7號,9號線~ 出閘後向住 8/8-1/8-2 出口方向行~ 先會見到個舊既地下街~
(呢個係4月經過時影既)
呢個舊area無野行~ d貨又舊~ GOTO Mall 要再落樓梯的~ 裝修明顯新正好多~ (地下街7號出口)
落到地下街會見到個小廣場有櫈坐~ 亦都有bibibank提款機可以比人入彈藥呀!
落到廣場的話左邊係西區, 右邊係東區~ 之前小青師姐勁力推介係度買到好多衫~ 我同阿蝦都好大期望呀! 我地先由右邊東區開始行~ 行到尾果段主打家居用品跟住就行另一邊返轉頭~ 賣衫既店好多好多~ 但覺得好多總類都差不多~ 比較型格啲既店係有既不過唔多~ 小青佢比較lady款既就會易買到衫~ 但我比較大隻&causal wear既就唔係點揀到~ 同埋佢開始出大冷衫~ 雖然我好中意但好難攞返香港~ 我見到有2件唔錯既大外套/衫因為怕難攞就無買到... 最後買得2件衫咋~
條地下街真係好長呀~~ 我地行晒兩邊無hea行都用左差不多3個鐘~  
頭尾兩邊重有啲食店比大家休息&補充體力的~! (下圖都係西區的~)
大家記住如果行完要去返地鐵站都係要行返去地下街7號出口先連到去地鐵的~!!
而東區行到最最最尾的話可以直接去7號線盤浦站(733) (行咗成個站呀!!!)
GOTO MALL地下街平面圖大公開!!

(繼續閱讀...)

Rebec 發表在 痞客邦 留言(0) 人氣()

鍾閣地下街


鍾閣地下街係鍾閣站(131) 3,4號出口方向~ Day 1 我同阿蝦去食鍾閣豆腐鍋順便去逛逛先~ 呢個地下街比較短~ 感覺賣既比較地道化既衫,鞋,公仔精品.. 等~
逛咗一圈覺得啲衫既style比較娘唔係幾o岩我~ 原本預半個鐘再集合既~ 但行咗15分鐘撞返阿蝦大家都覺得唔o岩feel唔洗再行就走囉~

(繼續閱讀...)

Rebec 發表在 痞客邦 留言(0) 人氣()