★ Rebec ★

去完落星垡公園之後繼續行~ 睇地圖係可以去到首爾大學既後門~
但係不斷行行行... 首爾大學真係好大... 就算入到校園範圍都只係宿舍區~
最終行咗成粒鐘先搵到個可以入到校園既入口....
沿途好多銀杏樹~






行咗唔知幾耐先見到呢個牌重有1.1km...










最終我睇返時間由落星垡公園開始行到搵到校園入口呢條直路... 我行咗差不多45mins...
入到校園我已經直接開個map定位向住正門方向行~ 路過呢個曾經搵資料時見過過應該係出名既紫荷池~


好靚既雞冠花~~




校園入面都好多紅葉~


經過小廣場見到有學生係度煎牛扒好香呀~~ 我差d想排埋一份...










又行咗一粒鐘終於行到大學正門啦~ 正門入口有呢個好出名既美術館~
"首爾大學美術館為韓國國內第一間大學美術館，美術館由三星集團建蓋並捐贈，荷蘭世界級建築師Rem Koolhaas設計而成，展現非常獨特的建築之美。館內展示韓國國內、海外現代美術、建築等圖書資料，並利用首爾大學美術館設施進行音樂、文學、電影、 話劇等各種活動，為一複合文化空間。"
開放時間 / 門票: 週二∼週日 10:00∼18:00(入場至17:30) / 成人 3,000韓元




首爾大學正門


去完大學呢... 我又沿路行返出去... 因為沿途有好多銀杏樹呀~











怎樣去~
其實呢... 如果大家唔去落星垡公園的話~ 我建議可以直接係首爾大入口站3號出口坐5511號巴士到大學正門落~ 可以慳返好多腳力...