★ Rebec ★

"不推介"食店 Paris Baguette

呢間Paris Baguette 我之前係明洞買過早餐兩件麵包完全唔掂~ 啲麵包有賣相o家~
但咬落個三文治硬既另一款唔記得係咩但食完真係記都唔想記起~ 真係無要求既我都覺得唔好食~
所以之後我一直都避開唔幫襯~ 今次去我諗可能只係明洞果間唔得啫~
入到去搵個位坐好發現原來井邑間店有wifi... 我地個個即話早知前一晚都黎呢度~
我同大蝦去買野飲~ 我只係揀咗杯無難度既 green tea latte~ 落完order我返位傾計~
但果位職員姐姐沖野飲佢夠膽死行出黎開包綠茶粉比我睇~!!
我即刻細細聲同佢地講 "唔係呀化.. 我杯green tea latte只係開綠茶粉沖咋!?"
佢算係大鋪唔係街邊檔囉~ 重要杯野收唔平喎~!! 攞到杯野重搞笑~ 得半杯多啲真係差到爆~!!
我心諗你做戲做全套沖都沖滿啲丫~!! 熱水又唔夠熱啲粉又未溶晒~
所以話真係唔係我唔比機會佢~!! 就算係無晒cafe我都唔會再幫襯佢囉~!!!