★ Rebec ★

DAY 8: 三清洞 > 仁寺洞 > 機場 > 仁川機場傳統文化體驗館

終於到最後一日啦~!!
上天對我地真係好~~ 本來預報話行程中會有雨但等到最後一日先落~
不過都真係幾狼狽~ 又風又雨有傘都吹到濕晒呀~~~
早上整理好行李放係hostel之後就去附近三清洞逛先~


今次我要去搵NESCAFE既甜薯latte~ 第一次去韓國時飲過真係念念不忘呀!!! 韓國既cafe shop每間都有唔同特色~ 真係正到爆~!呢間係三清洞既NESCAFE好清幽好舒服呀~!!






噹噹噹~ 好好味既甜薯LATTE~!!!


因為早上又落雨既關係無咩野逛就過去仁寺洞啦~




行到街尾有我最愛既麵包店~ 諗住入去買幾個芝士撻返香港但入面成個店都係日本遊客~ 佢地將成間店既麵包都搶晒~!! 我心諗係咪真係好味成咁呀~!! 我聽到佢地對話明明旅行團夠時間要去集合但都要排長龍買麵包....


超誇張...............


嗚~~ 我個芝士撻買剩一件咋....


買完之後差不多去食lunch~!! 呢個泡菜豆腐鍋真係超級好味耶~!!!!


豆腐超級滑~!!!


重有窩蛋呀~!!


將隻蛋落埋個飯到一齊拌~ 耶!! 睇返都好想食呀~!!!


本來我地諗住坐機場巴士去機場的~ 但因為雨落極都唔停~ 一直都大風大雨~
我地食飯前就打返去問hostel可唔可以幫我地book架車去機場~ 好彩都搵到車黎接我地~
In-Cheon Airport Shuttle 75,000won 由hostel出發大慨45分鐘到機場~




去到機場又要去counter行李過磅大作戰啦~!!!
我地坐OZ counter姐姐都算好好人~ 我既行李第一個過磅~ 一行李&一個箱加埋28.xkg 佢話max25kg~ 我梗係極度熱切話要攞返d野出黎hand carry啦~ (其實一到機場我地已經係行李攞咗一堆放手提袋handcarry) 我早上係仁寺洞買左幾pack paper mask~ 我攞出黎問counter姐姐paper mask可唔可以hand carry? 佢話少量就ok~ 我話我有4pack耶~ 跟住佢諗咗陣話算啦可以放埋落行李~ 我即刻"乖巧地"一邊講多謝一邊唔好意思一邊快手將啲mask放晒囉行李~ 最終29kg過關~ 耶~!!

機場出境之後我地去做手工啦~

韓國傳統文化體驗館(做手工)
東面24號登機口附近及西面40號登機口

如果想做手工或試韓服的話可以同職員報名~ 佢地會睇你地既登機證~ 起碼要有半個鐘以上先會比你做~ 所以大家要預早喔!




今次係做木櫃呀~!! 另一邊係做拓印~




搞掂~!!


我地做完一個去另一邊既體驗館做多個~~ (左邊我既~ 右邊係大蝦既)


途中預著皇上出巡~




係體驗館有展示免費手工既各種款式~ 有無你地曾經整過既款式呀??










玩完晒最後去候機counter附近再食個donuts啦~ 佢都有甜薯latte不過唔好飲....