★ Rebec ★

DAY 7: 慶熙大學 > 明洞樂天DutyFree > RIMINI [lunch] > N首爾塔 > 明洞柳家辣炒雞排

影到差不多就走啦~~ 原本想坐返巴士落去~ 不過去到個站又黑人又多又唔知排隊排咗去邊~ 見到有架的士落客就即刻上車同司機講"明洞"~ 然後坐咗幾分鐘定一定神之後我同個fd講... "頭先我好似係同司機講咗句國語既"明洞"喎... 我唔知韓文明洞係咪同國語差不多~ 但司機又無講咩野就開車..." 司機不斷行小路落山左轉右轉~ 我地又唔知點問~ 唯有睇定啲先~ 跟住坐咗(感覺上)廿幾分鐘之後落到大街司機就停車指住對面馬路大慨意思係果邊就係明洞~ 我地落車睇睇原來係3號出口呀~ 坐咗4000won又ok喎~~

跟住食係韓國既最後一餐晚餐啦~ 我地去咗食柳家炒辣雞~ 明洞站 8號出口直行街頭&尾有兩間好易搵~ 佢係連鎖店全韓國有好多間~ 見到個logo就好易認到~


我地叫咗呢個~ 係8000won一位呀~ 再加咗個1500won既粉麵~


出面餐區有自助bar免費沙律~ 醃蘿蔔~ 解辣既蘿蔔汁~






上菜會有店員黎幫我地炒~ 炒幾下就走開~ 其他店員行過見到又會黎炒幾下~ 佢地會放個罩圍住唔好比啲汁飛出黎~


加埋粉麵~


店內都幾別緻~


其實佢都真係幾辣~ 我要配好多沙律黎食呀~!