DAY 6:  中部市場 > 汝矣島國會議事堂輪中路 > 光明十字市場 > 永登浦地下街 >樂天超市 > 明洞 Chir Chir炸雞

逛完就去樂天超市掃貨啦~~ 我推介啲我覺得正既比大家~
呢個柚子茶獨立包裝既味道夠又唔會太細包~ 正!


Market O就更加唔洗講啦~ 一定係必買呀!!


呢款朱古力梳打餅好好味~~ 包裝重要靚到你唔捨得開黎食~ 入面分兩小包~ 每包入面重要有個好靚既紙盒仔裝住啲餅~


呢款梳打餅有人話好好味~ 但我無試過~ 因為反正係買我會買上面有朱古力面既~


呢款我個人覺得唔錯~ 係薯仔薄脆~ 小小鹹鹹地~


market o brownie之外另一個我超愛既就係魚仔餅~~ 佢係魚仔形蛋糕入面有朱古力+年糕~ 好好味~~ (但我同事話太甜 ^^)


呢個係鹹既魚仔餅~ 其實香港都有~ 好似係四x出品~ 但我覺得韓國版既更加鬆脆~ 好好味!!!


呢個紫菜係用黎整飯團, 食飯, 食粥, 食麵... 咩都可以落~ 佢既材料除咗紫菜重有蝦米, 洋蔥, 冬菇之類~~ 所以好香口~ 我次次都必買!!


今次重見到呢個... 人參味姨媽巾.... (唔知出唔出得街... ) 但我無買...


買完之後就坐的士返hostel 放低先~ 係的士站排到個橙的2400won起標~ 由樂天坐返去坐咗20分鐘鬆 5400won~
然後就出明洞搵食啦~ 奇事又發生啦~~ 我同大蝦今日係分開玩既~
係明洞行到basic house附近本來想去搵豆腐鍋店~ 但間野執咗反而比我撞到大蝦同佢個fd~ 一野比我嗌住!!
真係勁搞笑~!!! 我地成日係韓國街頭相遇喔!!
跟住我地就去搵第二間食啦~~ 我醒起明洞有chir chir炸雞呀~ 耶~!! 終於食到~!!!




佢個餐具好搞野~~




耶~~~ 我地點咗個窩巢雪炸雞~ 炸雞中間係薯蓉呢~ 我覺得都唔錯但無想像中咁正~ 可能我地無飲酒~ 如果餸酒應該會正好多~


其實個夾好難夾...


我地再叫多個香脆炸雞~ 炸得好香口呀~!!


食食吓裡面有隻蛋....


最終都係落手食....


==========================================================

 

Chir Chir炸雞(明洞店)
明洞站~ 由明洞站行的話就由6號出口一直行到ABC Mart 果條行轉左大慨Family Mart 附近~
由乙支路入口站的話就5or6號出口~ 行到TGI餐廳果條行直行落去Family Mart~


呢間野好多地區既分店都係要等到下午先開始做生意~ 營業到凌晨的...
店內有位識國語既留學生職員幫我地order~ 果位小妹妹真係好有禮貌又可愛~

文章標籤
創作者介紹
創作者 Rebec 的頭像
Rebec

★ Rebec ★

Rebec 發表在 痞客邦 留言(0) 人氣()