慶州行程 > 火車, 巴士, 的士交通資料

而家講吓慶州整日既交通啦~!! 呢日係我最最最擔心既一日~ 因為即日來回同埋要去3個地點~ 資料唔多plan既時候諗咗好多可能性~ 亦都要預算每個交通點既時間~ 尤其當地既巴士資料/路線等唔確定~ 好多都係用韓文寫~ 真係上咗車都唔知自己去到邊個站... 我而家將資料整理好打出黎希望之後大家去慶州的話可以做個參考!!

整日既行程路線


釜山火車站KTX去新慶州站~ 10000won 26mins (用KR PASS)


新慶州站正門出去轉右邊會有個巴士站~


佢有呢幾班車~


我地坐既係700號 (KTX站出發既班次時間表)


巴士外觀~~ 車費1500won (T-money 1450won) 車程大慨 50mins


雖然上車前都係問過司機係去佛國寺~ 但怕言語不通或者司機無通知我地落車~ 沿途不斷認路又睇地圖又對站名... 但後來都數到亂晒...
佛國寺就係下圖右邊數上黎第3個紅色名既3粒韓文字~ KTX站係左邊~ 因為啲巴士都係單向行車(上車/落車都係同一個站)
所以我地點都係要由第一站開始兜晒咁多個景點先到佛國寺.... 沿途認到既地方係有遺址區啦~ 普門湖區啦~ 新羅千年公園啦~ 民族工藝村等... 即係我地係兜個大圈先然後再玩返轉頭....


到咗~ 門口個車站有10,11,700號車~ 我地去普門湖就係坐11號車~ 車費1500won (T-money 1450won) 車程大慨 15mins




當然上車前我指住地圖上普門湖話要去Hilton Hotel~ 呢位司機好cool無咩面部表情搞到我都唔知佢有無應我... 然後上到車又係係度勁認路~ 總算認到係向緊返轉頭既景點~ 但因為普門湖都好大~ 又唔知啲車站位置係邊怕太早落車或者過晒都未落...
不過司機係個路口就叫我地落車指我地行入去~ 落車睇睇個站名係"慶州世界"




對面馬路的確就係慶州世界既入口~


沿住呢條路一直行大慨15mins 會經過條"新亭橋"(見上面地圖) 過馬路去對面再行前少少見到個停車場入口就可以轉入去園區~
然後離開普門湖去歷史遺址區我地去返呢個慶州世界站(同一個站)坐11號巴士~ 車程大慨 20mins~


上車時同司機講要去大陵苑~ 司機去到呢個站就好熱情咁叫我地落車然後指個方向比我地行去~ 但係... 呢樹係邊樹呀...


因為慶州既路實在太闊啦~ 又空曠~ (或者可以用荒蕪黎形容..) 就算攞住個地圖都唔知自己係邊... 唯有跟住佢講既方向行住先...


過到對面7-11再前行見到有個巴士站寫住 "月城洞事務所"站~ 返到黎之後再上實景地圖對返總算終於知道自己去咗邊啦....
圖中最高7-11上面巴士站就係當時落車既地方~


過咗7-11一直行.... 就會見到呢個路口~ 跟住轉右再過對面馬路就會到瞻星台範圍~


睇完瞻星台果邊既景點就出返大馬路果邊過對面馬路然後轉右直行去雁鴨亭~ 條直路都好長吓.... 由荷花亭行去大慨15mins
行到差不多門口會見到呢個巴士站牌~ 佢有寫700號去KTX 我地係坐KTX返釜山所以一陣要係呢個巴士站等車~
但點知... 我地影相影到天黑~ 成個苑都係一車車既學生!!! 係真係一車車~!!! 園內已經滿佈一堆堆既人~ 但我地走時門口重有一車車既學生要黎~ 真係超級誇張!!! 好似成個慶州既學生都要湧黎一樣!!! 重點係天已經黑成7點幾啦~ 佢地唔洗返屋企o家咩~!!! 咁夜又落雨你地重黎睇咩呀!!!! 我真係感受到阿珠媽形容既蝗蟲學生係有幾恐怖!!!
更恐怖既係~ 我地要係門口等返700號巴士去KTX站~ 但馬路係塞滿晒校巴~ 一車又一車既學生係門口落完一批又一批~~ 沒完沒了!!! 塞死晒條馬路~!!! 我地根本等唔到車~ 現場無論人&交通都完全勁混亂!!!! 等咗好耐如果再遲的話可能就要坐再遲成個鐘後既火車~ 我地唯有係門口見到有架taxi 落完客即刻上車~ 指個KTX站名比司機睇~ 好彩佢都OK~ 計咪標坐咗大慨 20mins 去到KTX站~ 車費 16,380won


買KR PASS既好處~ 可以改車票~


之後返到去釜山火車站就轉對面地鐵去南浦洞站~ 食韓燒Buffet 之後由南浦洞坐taxi 返去火車站toyoko inn 搭咗 5mins 3200won

arrow
arrow
    文章標籤
    慶州交通
    全站熱搜

    Rebec 發表在 痞客邦 留言(0) 人氣()