★ Rebec ★

DAY 2: 首爾KTX去釜山 > 海月亭 > 冬栢島APEC > 海雲台沙灘 > 機張 > 南浦洞

搵唔到海鷗咁就早啲去食蟹啦!! 我地直接係海雲台坐taxi去機張.


有好多海鮮賣呀~






影埋呢張相開始我部相機就無晒電啦~~~ 跟住食蟹既相全部都係用手機....


我地6點到去到成條街市簡直就得我地幾個外國人... 所以啲海鮮檔見到我地都雙眼發光... 唔知點解檔檔見到我地都已經知道係香港人... 不斷"hong kong?" 我地明明無開聲丫...
佢地勁熱情係咁係度拉客搞到我地行過都唔敢細望就走... 行咗一圈都搵唔到阿珠媽去開果間.. (應該話係我地為咗避開啲熱情既呼喚而無機會搵...)
係街頭定完神再行返轉頭再睇過見到阿珠媽果間既另一分店. 跟住未問到咩野阿老闆就已經開始磅蟹講價啦... 長腳蟹佢話3萬won 1kg 磅咗兩隻佢話10萬won再送多兩隻細. 我地梗係唔肯. 講黎講去加加減減啲蟹又換黎換去. 最終2隻大送2隻細 8萬won. 另加每人2000won材料費(table services)


呢啲係咩蟹黎o家??


隻蟹斷咗隻腳又唔識'郁'叫店主換過隻.




呢間無2號店咁大. 係家庭式小店. 佢地成家係度睇緊k-pop生死戰. 門口都有寫住table services 2000won




蒸完店員會幫你拆埋蟹好方便~

哇~~~ 成盤蟹呀~~~


蟹糕去整炒飯~ 每位加2000won


細蟹蟹腳會攞埋去煮個豆腐湯~ 好好味!!










蟹糕炒飯味道其實ok啦~~ 比起啖啖蟹肉梗係食蟹肉正啲~ 不過有飯落肚飽肚啲嘛~!


哇卡卡~~~ 清晒~!!!!


個蟹蓋重大過塊面!!

食完就返去啦. 比預定既時間早咗. 去到火車站去counter比預早出咗既車飛職員同佢講cancel 轉早一班車.


個車站都幾簡單吓..






呢款美蓮達既柚子汁真係好好飲呀!!!


返到去見有啲時間又係星期日晚諗住去南浦洞望望啦~ 點知去到好冷清...








呢款果汁好正~ 重有士多啤梨, 奇異果味等.. 我係呢個trip飲咗好多支~


釜山站既廣場晚上好靚呀~